யார்றா அந்தப் புள்ள

இதய மோதிரமான காதல்
உன்னிடம்
அடகு வைத்த பின் மீட்க முடியாதவனாய்
ஒவ்வொரு நாளும் புதுப்பித்துக் கொண்டிருக்கிறேன்
இப்போது
யாரேனும் அலைபேசியில்
சராசரி பேச்சைக் கடந்து
சிலவை பேசத் தொடங்கினால்
பேச்சினூடாகவே
பழக்க தோஷத்தில்
உன் பெயரைச் சொல்லி
மாட்டிக் கொள்கிறேன்,
எல்லோரையும் போல கேட்டுவிட்டார்கள்
அம்மாவும் அப்பாவும்
யார்றா அந்தப் புள்ளை என்று,
சொல் பேச்சைக் கேக்க மாட்டுது
உன் கட்டளைக்கு அடங்காத
என் டார்ச்சர் பேச்சைப்போல,
அடுத்தவர் பேச்சினூடாக உன்பெயரை மறைப்பதில்
உன்நினைவில் ஊறிப்போன மனசு.