உறவுக்கார விளக்கொன்று.

வெளிச்சங்கள் கூடிப்பேசுவதை 
ஒட்டுக்கேட்டு கொண்டிருக்கிறது
உறவுக்கார விளக்கொன்று, 
கண்டும் காணாமலும்தான் பேசுகின்றன
சற்றும் கோணாமல்நெருங்கி வந்து கேட்கிறது
கேட்டு வந்து இரவின் காதுகளில் ஏதோ சிறு முனுமுனுப்பு வேற நடக்கிறது.
விளக்கு சொன்னதும்
முகம் சிவக்கிறது
முறைக்கிறது
சிரிக்கிறது மாறி மாறி இத்தனையும் நிகழ்கிறது
தூரத்திலிருந்து
கவனித்து நேரடியாகப்போய்
இரவிடம் கேட்கிறேன்
காதருகே வந்து சொல்கிறது
ஒவ்வொரு முறையும் கேட்கும் பொழுது
சிரிக்கிறேன்
முறைக்கிறேன்
முகம் சிவக்கிறேன் மாறி மாறி நடக்கிறது.
இரவு என்னிடம் சொல்வதை
ஒட்டுக்கேட்டுக்கொண்டிருக்கிறது
உறவுக்கார விளக்கொன்று.
-வாலிதாசன்.